Қазақстан Ержан Максим "Голос. Дети" байқауының жеңімпазы атанды
"Голос. Дети" байқауының арнайы шығарылымында арнаның бас директоры Константин Эрнст конкурстың барлық финалистерін жеңімпаз деп атады
Бұл жолы Микелла Абрамовадан басқа финалға жолдама алғандардың барлығы өнер көрсетті.
Әуелі Пелагея, содан кейін Светлана Лободаның командасында болғандар сахнаға шықты.
Ең соңынан Валерий Меладзенің шәкірттеріне кезек келді.
Оралдық Ержан Максим "Адажио" әнін орындап, көрермендердің қошеметіне бөленді.
Шоуды қорытындылыған Бірінші арнаның бас директоры Константин Эрнст "Голос. Дети" байқауының жеңімпазы ретінде бірінші болып Ержан Максимді атады. Содан кейін Нино Чеснер, Валерий Кузаков, Рената Таирова, Роберт Багратян, Анастасия Сисаури, Михаил Григорян, Мариам Абделькадер және арнайы шығарылымға қатыспаса да, Микелла Абрамова жеңімпаз болып танылды. Олардың бәріне демеуші тарапынан 1 млн рубльдің сертификаты табыс етілді.
