Қазақстан Қазақстандағы ауыр дерті бар балалар шетелде ем қабылдау мүмкіндігін алады
Бұл туралы "Самұрық Қазына" ұлттық әл-ауқат қоры мен елдің Еңбек және әлеуметтік қорғау министрлігі арасындағы меморандумда айтылған
Меморандумға сәйкес, Қазақстанда емі жоқ 100-ге жуық ауыр дерті бар балалар сәйкес емді шетелден алатын болады, деп жазады Sputnik Қазақстан сайты.
Одан өзге, церебралды сал ауруы бар 1500 бала оңалтудан өтіп, көпбалалы және аз қамтылған отбасыларға, ардагерлер, ерекше қажеттілігі бар азаматтарға көмек көрсетіледі.
Қордың хабарлауынша, аутизмі бар 100 бала медикаменттерді қолданбай түзетумен қамтамасыз етіледі. Жоспарда елдің алыс аймақтарын да медициналық көмекпен қамту бар.
2019 жылдың басынан бері "Самұрық Қазына" ұлттық әл-ауқат қоры 15 әлеуметтік жобаны жүзеге асырып келеді. Бюджеті 4,8 млрд теңге.