Қазақстанда кәсіп ашуға грант берудің жаңа байқауы іске қосылды

Коммерциялық емес ұйымдардың арасында ойнатылатын, әлеуметтік кәсіпкерлікті дамытуға бағытталған жобаларды іріктеп алуға арналған байқау "ӘREKET" жобасы аясында жүзеге асырылмақ.

Гранттың сомасы 3 млн теңге. Байқау үш кезеңнен тұрады.

Бірінші кезеңде қатысушылар 2019 жылдың 3-30 маусым күндері areket.skt@gmail.com поштасына өтініш жолдауы тиіс. Өтініштер 1-15 шілде күндері іріктеледі.

Екінші кезеңде 16 шілде мен 1 тамыз аралығында қатысушылар байқау комиссиясына ашық өтініш беруі керек.

Ал үшінші кезеңге өткен қатысушылар 13-16 тамыз күндері үш күндік кәсіпкерлік курсынан өтіп, жобаларын қорғайтын болады.