Қазақстан Қазақстанда тікелей Көкшетау-Мәскеу әуе рейсі ашылады
Жаңа әуе рейсі мамыр айынан бастап іске қосылады. Бастапқыда аптасына бір рет жексенбі күні ғана қатынайды
Көкшетау мен Мәскеуді тікелей байланыстыратын әуе рейсі 2019 жылдың мамыр айының ортасында іске қосылады, деп хабарлайды Sputnik Қазақстан.
- Мамыр айының ортасынан бастап Мәскеу-Көкшетау-Мәскеу әуе рейсі іске қосылады. Әзірге аптасына бір рейс болады. Кейін аптасына екі рет мәскеулі Жуковский әуежайы арқылы (сәрсенбі, жексенбі) қатынайды деген жоспар бар, - деп хабарлады Ақмола облысы әкімінің орынбасары Марат Иғали.
Оның айтуынша, рейстерді иркуттық "ИрАэро" әуе компаниясы іске асырмақ.
4600 шақырымға дейін ұшатын 98 жолаушыға арналған Sukhoi Superjet 100 – жақын магистральді жолаушылар ұшағы қоданылмақ.
- Ресейліктерді Бурабай курортында күтеміз, - деді әкімнің орынбасары.
Ұшу ұзақтығы 3 сағат, ал бағасы 8 206-ден 10 191 рубльге дейін (47 мыңнан 60 мың теңгеге дейін).
