Қазақстанда АЭС салу туралы шешім әлі нақты емес

Жүргізілген бағалауға сәйкес еліміздің электр қуатының болжамды балансында 2030 жылға қарай Қазақстанның оңтүстігінде  2,7 ГВт-қа дейін базалық қуат тапшылығы күтілуде, деп хабарлайды ҚазАқпарат ХАА. 

- Осыған орай, еліміздің оңтүстігінде  бу-газ, гидро және атом станцияларын салу сияқты әртүрлі отын және энергия көздерін пайдалана отырып, базалық және маневрлік генерацияны енгізу арқылы тапшылықты жабу мүмкіндігін қарастырып отыр, - деп хабарлайды министрліктен.

Ведомствоның хабарламасына сәйкес, салынуы мүмкін АЭС-тің экономикалық және техникалық параметрлерін нақтылау және реакторлық технологияны таңдау үшін Техникалық-экономикалық негіздеменің Маркетингтік бөлімі әзірленген. Онда нарықта бар III+ реакторлық технологияларды талдау, сондай-ақ 5 елдің реакторлық технологияларды жеткізушілерімен, соның ішінде Росатом мемлекеттік компаниясымен, ақпарат алмасу жүргізіледі.