Қазақстан Тоқаев: жылына бір рет өткізілетін есептік кездесулер – көз бояушылық
Президент Қасым-Жомарт Тоқаев мемлекеттік органдарды халықпен тығыз жұмыс істеуге шақырды және тиімсіз жұмыс үшін жазалауға баратынын айтты
Қазақстанда жылына бір рет халыққа есеп беру кездесулерін өткізу тәжірибесі кеңінен таралған. Министрлер, әкімдер, әдетте, қаңтар-ақпан айларында осындай кездесулер өткізіп, өткен жылғы жұмыс нәтижелерін пайымдайды.
- Егер орталық және жергілікті органдардың басшыларына әділ шағымдар түссе, олардың барлығы жазаға тартылады, - деп мәлімдеді Түркістан облысы тұрғындарымен кездесуде Қ. Тоқаев, Президенттің баспасөз қызметінің Twitter-інде деп хабарланады. - Басшылар халықпен тікелей жақын жұмыс істеуі тиіс. Жылына бір рет өткізілетін есептік кездесулер – көз бояушылық. Күн сайын халықпен тікелей өзара іс-қимылда жұмыс істеу керек.
