Қазақстан Димаш Құдайберген Американың The World's Best шоуынан кететінін мәлімдеді
Димаш Құдайберген Adagio әнін орындағаннан кейін, мәлімдеме жасады
Ол балалармен сайысқа түскісі келмейтінін айтып, шоуға қатысудан бас тартты.
- Сіздердің алдарыңызда өнер көрсету мен үшін зор қуаныш. Бүгін, ереже бойынша, мен балалармен сайысқа түсуге тиіспін. Олар өз жолын жалғастыру үшін маған кетуге рұқсат етіңіздер, - деді Димаш.
Әділ қазылар Димаштың шешіміне таңғалып, оған жарысуға келгенін еске салды.
- Біз мұнда үздіктердің үздігін табуға жиналдық. Сен қайда келгеніңді білдің ғой, - деп ренішін білдірді актер Ру Пол.
Жүргізуші Джеймс Корден жиналғандарды қазақстандықтың таңдауын құрметтеуге шақырып, Димашқа тамаша өнер көрсеткені үшін алғыс білдірді.
- Маған аздап ренжитіндерін сездім. Алайда менің дұрыс жасағанымды олар түсінетініне сенімдімін, - деп Димаш сахнадан кетті.
The world`s best – ғаламшардағы ғажайып таланттар сайысатын америкалық шоу. Енді финалға шығу үшін қазақстандық әнші Данэлия Төлешова мен үндістандық пианиношы Лидиан Надхасварам бақ сынайды.
