Қазақстан Тарихи сериалға кастинг жарияланды
"Қазақфильм" киностудиясы "Қасым хан" тарихи фильміне актерларды іздеп жатыр
Кастинг еліміздің 24 қаласында өтеді, деп хабарлайды ҚазАқпарат ХАА.
- Өздеріңіз жақсы білетіндей, Алматыда кастинг ақпанның 25-нен бастап өтіп жатыр. 31 наурызға дейін жалғасатын бұл кастингке алматылықтар белсенділікпен қатысуда. Алғашқы кезде күн сайын 500 адамнан қабылдадық. Поштамызға 9 мыңнан астам мәлімдеме келіп түсті. Кастинг Талдықорғанда да өтті. Енді міне, еліміздің 24 бірдей қаласында өткіземіз. Кастингке кәсіби актерлер де, қарапайым қала тұрғындары да қатыса алады, - дейді жобаның кастинг бойынша продюсері Алма Баймұратова.
Басты рөлдерге, қосалқы және эпизодтық рөлдерге 3 және 80 жас аралығындағы барлық қазақстандықтар (балалар, ер адамдар мен әйелдер) қатыса алады. Басты талап - қазақ тілінде еркін сөйлеуі керек.
Өскемен де кастинг 28 ақпан, 1-2 наурыз күндері ШҚО облыстық драма театрдың 4-қабатында, балет залында өтеді.