Қазақстан Астаналық көпбалалы анаға кәсіпкер үй сыйлады
Кәсіпкер 24 миллион теңгенің пәтерін сыйға тартқан
Құрылыс компаниясының баспасөз қызметі хабарлағандай, аты-жөнін айтуды жөн көрмеген кәсіпкер қымбат көліктен бас тартып, оған жинаған 17 миллион теңгесін көпбалалы отбасыға пәтер сатып алуға жұмсаған, деп хабарлайды Sputnik Қазақстан.
- Маған бұл жаңалықты хабарлағанда, бірден сене қоймадым. Түсім екен деп ойладым. Ал компанияның сату бөліміне ертіп барғанда, қуанышымда шек болмады. Бәрінен де қыздарым қатты қуанды. Енді олардың армандаған өз бөлмесі болады, - деді Жанар Үзденбаева көзіне жас алып.
Жаңа тұрғын үй кешенінен үш бөлмелі пәтер сатып алуға кәсіпкерге кем дегенде жеті миллион теңге жетпегенін ескеріп, құрылыс компаниясы қалған шығындарды, сондай-ақ тұрғын үйді таза әрлеуден өткізуді өз мойнына алыпты.
