Қазақстан Батыс Қазақстанда көпбалалы аналар үшін Telegram арнасы пайда болды
Telegram-арна @otbasybot көпбалалы аналар мен Батыс Қазақстан облысындағы билік арасындағы кері байланысты қамтамасыз етпек
Сондай-ақ, облыста әрбір көпбалалы отбасы үшін әлеуметтік картаны әзірлеуді жоспарлап отыр, деп хабарлайды Zakon.kz.
- Мемлекет басшысының бес әлеуметтік бастамасы халықтың әлеуметтік әлсіз топтарының проблемаларын шешуге серпін берді. Біздің облыста осы бастамаларды іске асырудың алғашқы нәтижесі атап өтуге болады: "7-20-25" бағдарламасына сәйкес 164 Батыс қазақстандық отбасы тұрғын үймен қамтамасыз етілген, 67 мың азамат үшін ай сайынғы кіріс салығы қысқартылды. Болашақ мамандар үшін 148 грант бөлінді, биылғы жылы 5 жатақхана құрылысы басталады. Шағын кәсіпкерлікті дамыту үшін 1242 шағын несиеге 4,3 млрд. теңге бөлінді, - деді облыс әкімі Алтай Көлгінов.
Мектептерге, темір жол станцияларына және басқа ғимараттарға кедергісіз қолжетімділік беріледі. Аймақта 6 мыңнан астам адам арнайы әлеуметтік қызметтер алады, мемлекет 12,6 мыңнан астам көпбалалы отбасыларға көмек көрсетеді.
Өткен жылы аз қамтылған отбасылардан шыққан 32 мың бала 204 млн. Теңге көлемінде материалдық көмек алды. Жыл сайын олар үшін "Мектепке жол" және "Қамқорлық" акциясы өткізіледі.
