Қазақстан Орал қаласында балабақшаның төбесі құлады
Орал қаласындағы балабақшалардың бірінің төбесінің бір бөлігі үстіне жиналған қардың салмағын көтере алмады
12 ақпанда таңертеңгі сағат 8.20-да балабақшада шатыр құлады, деп хабарлайды "ҚазАқпарат" ХАА.
Төбенің құлаған бөлігі 35 шаршы метр, жалпы ауданы 500 шаршы метрді құрайды.
Ешкім зардап шеккен жоқ. Оқиға орнына Төтенше жағдайлар департаменті қызметкерлері, Орал қаласының тұрғын үй-коммуналдық шаруашылығы және білім беру бөлімдерінің өкілдері келді.
Биылғы жылы облыста қар көп болды, сондықтан Төтенше жағдайлар департаменті әлеуметтік мекемелердің басшыларына, мектептер мен балабақшаларға уақытында қарды тазартуға кеңес береді.