Қазақстан Қазақстанда ақылы ҰБТ өтуде
Астанада бірыңғай ұлттық тестілеу басталды. Ақылы негізде жүргізілетін тестілеудің бірінші күніне 9 000 түлек қатысты
Қазақстанда енді ҰБТ жылына төрт рет өткізіледі, деп хабарлайды Sputnik Kazakhstan сайты.
- Бүгін біз тарихи сәтке куә болып отырмыз. Біздің елімізде тұңғыш рет балаларға бір жылда 4 рет тестілуеден өтуге рұқсат берілді. Бүгін бүкіл мемлекет бойынша 35 838 оқушы ҰБТ тапсырып жатыр, – дейді білім және ғылым вице-министрі Эльмира Суханбердиева.
Ұлттық тестілеу орталығының мәліметінше, қысқы ҰБТ-да 20 мыңнан аса түлек тестілеуде мемлекеттік тілді таңдаған. Қалған 15 мыңнан аса оқушы орыс тілін таңдаған.
Ал 61 түлек тестілеуден ағылшын тілінде өтуді ұйғарыпты. Жазда бұл тілді таңдағандар саны 26 болатын.
Аталған тестілеудің нәтижесі бойынша түлектер ЖОО-ларға ақылы негізде түсе алады. Ал мемлекеттік гранттан үміттілер маусым айында өтетін ҰБТ-ға қатысуы тиіс.
Ақылы ҰБТ енді Наурыз айында өтеді. Тестілеу құны 2242 теңге