Қазақстан Қазақ қызын алғысы келген шетелдіктерге салық төлету ұсынылды
Қоғам өкілдері қазақ қыздарының шетелдіктерге тұрмысқа шығып жатқанына алаңдаулы
Ал қазақстандық адвокат Абзал Құспан қазақстандық қызға үйленген шетелдіктерге салық салу туралы ұсыныс жасап отыр, деп хабарлайды Қамшы.kz.
- Ұлттың келешегін ойлау қаперлеріне кірмейді. Осы мәселені айналадағыларға айтсаң: «Өзге ұлттың көңіліне келер. Оқыс жағдай туып кетер. Қазір заман басқа, қыз кімді көңілі қаласа, сонымен бірге болғаны жөн ғой», - деген жалтақ уәж айтады. Бұл қазақтың болашағына бей-жай, самарқау қарау деген сөз. Мұның бәрін біз айтпасақ, кім айтады? Қазақ үшін ойланатын да, толғанатын да мәселе көп, - дейді заңгер.
Заңгердің пайымына салсақ, біздің қыздар балабақшадан бастап қолына дипломын алғанға дейін оқиды-тоқиды. Сосын, бой жеткенде өзге ұлттың қолынан ұстап кете баруы дұрыс емес.