Қазақстан Қазақстанда "Мектеп асханалары" жобасы басталды
Елдегі мектеп асханаларының толық ауқымды мониторингін оқушылардың ата-аналары, журналистер және мемлекеттік органдар өкілдерінің қатысуымен құрылған сараптамалық топтар жүргізеді
"Нұр Отан" партиясы "Мектеп асханалары" жобасын іске қосты, деп хабарлайды Tengrinews.kz.
Ведомствоаралық сарапшылар тобының құрамына ата-аналар, "Нұр Отан" партиясының облыстық филиалдарының өкілдері, БАҚ, ҮЕҰ және мемлекеттік органдар кіреді. Бірінші күні жүздеген мектептегі тамақтандыру пунктері тексеріліп, ондаған құқықбұзушылықтар анықталды.
Көптеген мектеп асханаларында азық-түліктің сапасын бақылайтын тәуелсіз комиссия жоқ екендігі анықталды.
Партиялық ведомствоаралық сараптамалық топтар мектеп әкімшілігінің кезекшілік кестелерінің бар болуын тексерді, ауыз су режімін сақтауды, қолдарды жуу жағдайларын, бекітілген мәзірді және мектептегі тамақ ретінің бірыңғай стандарттарға сәйкес келуін тексерді.
