Қазақстан Қазақстандағы барыстарға ат қойылып, бақылауға алынады
Snow Leopard Foundation халықаралық қоры Қазақстандағы қар барысын сақтау үшін оны зерттеу тәсілдерін күшейтпек
Қазақстанда жабайы табиғаттағы қар барыстарын сақтау мен есепке алу әдістері күшейтіледі, деп хабарлайды Тengrinews.kz тілшісі.
Алматы зообағы директорының кеңесшісі Ержан Еркінбаев Instagram желісіндегі парақшасында жазғандай, таяуда Snow Leopard Foundation халықаралық қоры жұмысының белсенді фазасын бастады. Қор мақсаты - Қазақстандағы қар барысының популяциясын қалпына келтіру. Бұл мақсатта ұйым қызметкерлері браконьерлерден алынған жарады барыстарға арналған қалпына келтіру орталығын және оларды қайта жабайы табиғатқа жіберуге дайындайтын тәлімбақ ашуға ниетті. Сондай-ақ қордағылар табиғаттағы қар барыстарын есептеп, сақтаудың әдістерін күшейткелі отыр.
- Фотоқақпанның арқасында қаншау екенін анықтап, ID паспортын жасап, әр барысқа ат береміз. Сөйтсек, фотоқақпанда сим-карта бар екен, ол суретті кеңсеге дереу жібереді. Қазақстанда жүзге жуық барыс бар шығар, ал фотоқақпанымыз болғаны өңірде 15-ақ. Зоология инстутымен және Ұлттық саябақпен бірлесіп, әдістеме жасап, осы жануарды есепке алу мен сақтаудың қажетті техникасын сатып алғымы келіп отыр, - дейді Еркінбаев.
