Жаңа жыл түні Астанада 24 сәби дүние есігін ашты
Дүниеге 12 ұл мен 12 қыз бала келді
1 қаңтарда сағат 00:00-ден 12:00-ге дейін елорданың перинаталдық орталықтарында 24 нәресте туған, деп хабарлайды Елорданың ресми сайты қоғамдық денсаулық сақтау басқармасына сілтеме жасап.
- Біздің перинаталды орталықта сағат 00:00-ден 13 әйел босанды. Дүниеге 6 ұл, 7 қыз бала келді. Бұл әдеттегіден айтарлықтай артық. Бізде бір тәулікте 30 әйел босанады. Жаңа жыл түні перзентхана әдеттегі кестесіне сәйкес жұмыс істейді. Жүктеме үлкен, проблемалы босанулар болуы мүмкін. Бұл мерекемен біз барлығын құттықтаймыз. Аяз ата да келді, - деді №3 перинаталды орталықтың бас дәрігері Зайтуна Хамидуллина.
Қоғамдық денсаулық сақтау басқармасының мәліметінше, бүгін Астанада тағы да 50 бала дүниеге келеді деп болжануда.