Астанада ер адам қысқы марафонды шолақ шалбармен жүгіріп шыққан
Қазақстанның ел ордасында қысқы марафон өтіп, қаланы қысқан аяз спортшыларға кедергі келтірмеді
Астанада II қысқы марафон өтіп, оған 1,5 мыңнан астам желаяқ қатысқан, деп жазады Sputnik Қазақстан.
Марафонда спортшылар 5, 10 және 21 шақырым қашықтықта жүгірді.
Қысқы жүгіру "Мүмкіндік шегінен тыс" ұранымен өтті. Ал спротшылар бұл сөздерді іс жүзінде дәлелдеді. Өйткені бір спортшы тек шорты, бас киім мен кроссовка киіп қана жүгіріп шыққан. Бұл азаматтың суреті әлеуметтік желіде лезде тарап, елдің таңдайын қақтырды.
Айта кеткен жөн, бұл марафонға Ресей, Украина мен өзге елдерден 300-ден астам адам қатысқан.