Қазақстан Қазақстанда үй салу үшін алынған жер телімдері тексерілмек
Мамандар жеке баспана салу үшін жер телімін алуға кезекке тұрғандарды тағы бір тексеріп шығуды ұсынып отыр
Өйткені тізімде тұрғандардың кейбірі өмірде жоқ адамдар болуы мүмкін, тіпті, тізімде шетелдік голливуд әртістері мен аты аңызға айналған қазақ батырларының есімі жүр, деп хабарлайды Zakon.kz.
- Көшіп кеткен, шекара асып кеткен адамдар бар. Кейбірі көз жұмғандар болуы мүмкін. Ал олар әлі күнге дейін тізімде тұр, - дейді жер қатынастары жөніндегі маман Бақытжан Базарбек.
Мамандар әзірше жер қатынастары саласында мораторий жариялағанша жер телімдерін бермеу керек деп отыр.
- Жер телімін алу кезегінде тұрған адамдардың кейбірі мүлдем өмірде жоқ екенін ескерсек, елдің өзге өңірлеріндегі тізімдер де жалған болуы мүмкін. Сондықтан бұл тізімді тексеріп, мәселені шешу қажет, - дейді ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің антикоррупциялық саясат департаменті басқармасының басшысы Дидар Смағұлов.
