Қазақстан Қазақстандық кіші жерсерік жер бетінің алғашқы бейнесін жасады
"Қазахстан Ғарыш Сапары" ұлттық компаниясы "Falcon 9" зымыранымен ұшырылған KazSTSat қазақстандық жерсерігінен алынған алғашқы бейнені жариялады
- Бүгін түнде, 14 желтоқсанда, KazSTSat кіші жерсерігі алғашқы ғарыштық бейнені жасады, - деп хабарлады компания.Оңтүстік Американың аумағы бойынша ұшатын KazSTSat 17 метрлік рұқсаттамамен Аргентинаның оңтүстігіндегі ең үлкен порт Рио Гранд қаласының суретін түсірді.
Тасымалдаушы зымыран Falcon 9 ғылыми және технологиялық мақсаттарға арналған қазақстандық алғашқы екі жерсерік - KazSTSat және KazSciSat-1-мен Калифорнияның Вандерберг қаласындағы ғарыш айлағынан 4 желтоқсан күні Астана уақыты бойынша сағат 00:32-де іске қосылды. Екі спутник де орбитаға сәтті енгізілді.
Алғашқы екі қазақстандық ғылыми-техникалық мақсаттағы жерсерікті қазақстандық-британдық бірлескен инженерлер командасы құрды. KazSTSat кіші жерсерігі салмағы 100 кг, жерді қашықтықтан түсіруге 17 метрге дейін рұқсаты бар. Екінші жерсерігі KazSciSat-1 ғылыми мақсаттарға арналған, оның массасы 5 килограмды құрайды және Жердің ионосферасын зерттеу үшін тиімді.