Қазақстан Қарағандыда балалар технопаркі ашылды
Балаларға технопарк ішінде астрокешен, робототехника зертханасы мен сандық өнер студиясы бар
Қарағандылық технопарк қалалық Балалар және жасөспірімдер сарайы жанынан ашылды, деп хабарлайды "Қазақпарат" ХАА сайты.
Астрокешенде келушілерге ғарыштық технология мен "жасыл" экономика туралы танымдық фильмдер көрсетіледі.
Танымдық робототехника зертханасында әр түрлі жастағы топтардың жұмысына арналған аспаптар қарастырылған. Сонымен қатар, бұнда жеңіл үлгілерді құрастырып, робот-манипуляторларды жинауға да болады.
Сандық өнер студиясында балаларға web-дизайн, компьютерлік кескіндеу, 3D-үлгілеу және бейнемонтажды меңгеруге көмектеседі.
Жақын уақытта бұнда балалар телестудиясы да ашылады деп жоспарлануда.