Қазақстанда байланыс құрылғыларын тіркеу уақыты аяқталады

Қазіргі уақытта Қазақстанда 26 миллионнан астам абоненттің 14 миллионға жуығы тіркелген. Алайда, үкімет тіркелу мерзімін кейінге қалдырмайды.

- Көбісі алаңдайды, бірақ ешкім тіркемейді. Біз тіркеліп жатқан адамдар санын күн сайын бақылауда ұстап отырмыз. Қазір ұялы байланыс абоненттерінің саны халықтан 10 миллионға артық. Бізде 26 миллион қолданушы бар, ал халық саны 18 миллион, яғни, бір адамда 3-4 телефон, сим-карта бар деген сөз. Қазіргі уақытта ұялы байланысты қолданушылардың 70%-ы тіркелген, - деді Ақпарат және байланыс министрі Дәурен Абаев.

Министр қазақстандықтардың басым бөлігі өз телефонын тіркегенін айтады. Бұған қоса, 3%-ға жуығы тіркелмейтін құрылғылар екенін атап өтті.
Сонымен қатар, қазақстандықтарға жаңа ережелер бір жыл бұрын жарияланғандығын, тіркелу үшін жеткілікті уақыт болғандығын айтты.

Бұл шара абоненттер санының реттелуін қалпына келтіруге, сонымен қатар, бүгінгі таңдағы ең басты мәселе балаларға қатысты қылмыстың санын азайтуға мүмкіндік береді.

- Біз нөмірлерді тіркеу арқылы пайдаланушы кім екендігін, қанша уақыт сим-картаны қолданғандығын көре алатын боламыз. Қазақстандағы барлық телефондар құқық бұзушылықтардың алдын алатын болады. Балаларға қатысты қылмысты 80%-ға төмендетеді. Бұл біз үшін алға басқан үлкен қадам болады,- деді Дәурен Абаев.

ІІМ-нің техникалық департаменті бастығының орынбасары Тұрлыбек Ахметов бұл норманы енгізу арқылы адамдардың барлығы ұялы телефондарын тек заңды түрде пайдалана алатын болатындығын айтады.