Қазақстан Қазақстанға кибершабуылдан қорғайтын мамандар қажет
Қазақстанның мемлекеттік органдарында кибершабуылдың алдын алатын жоғары санатты мамандар жетіспеуде
Қазіргі уақытта Қазақстанға киберқауіпсіздікті қамтамасыз ететін 35 мың маман қажет, деп жазады ҚазАқпарат ХАА.
Ал Қорғаныс және аэроғарыш өндірісі вице-министрі Тимур Шаймергеновтың айтуынша, мемлекеттік мекемелермен бірге жеке секторларға да мамандар жетіспей жатыр.
ҚР ҰҚК-нің Ақпараттық қауіпсіздік депарартаменті басшысы Сергей Журавлевтің айтуынша, мұндай мамандардың көбі мемлекеттік органдарда емес, жеке секторда жұмыс істегенді жөн көреді, өйткені онда еңбекақы 3-6 есе көп.
- Әлемдік тәжірибе көрсетіп отырғандай, киберқауіпсіздік нарығымен, көбінесе, жеке кәсіпкерлер айналысады. Яғни, мемлекет қажетті жағдайларды ұйымдастырып береді де, жеке компаниялар ақпараттық қауіпсіздік шараларымен айналыса береді, - дейді С.Журавлев.