Қазақстан Шымкентте "Адалдық дүкені" ашылды
Дүкенде сатушы жоқ, затты сатып алушылар өз-өздеріне қызмет көрсетеді
ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің бастамасымен сыбайлас жемқорлықтың алдын алу мақсатында бірқатар жобалар жүзеге асырылуда, деп хабарлайды Infomedia.kz сайты.
Соның бірі, “Адалдық дүкенін» ашу бастамасын Агенттіктің Шымкент қаласы бойынша департаменті қаладағы барлық жоғарғы оқу орындары мен колледжерде ашу туралы ұсыныс берді.
Аталған ұсынысқа М.Әуезов атындағы Оңтүстік Қазақстан мемлекеттік университеті алғашқылардың бірі болып қолдау білдірді.
Ағымдағы жылдың 21 қараша күні Департамент басшылығы Университет ректоратымен бірлесе салтанатты түрде ашылу рәсімін өткізді.
“Адалдық дүкені” жұмысы өзіне-өзі қызмет көрсету жүйесі бойынша ұйымдастырылды. Мұнда оқытушылар мен студенттер өздеріне қажетті заттарды алып, алынған тауар үшін ақшаны кассалық жәшікке қалдырып, есеп айырысады. Яғни, дүкенде сатушы жоқ, затты сатып алушылар өз-өздеріне қызмет көрсететін болады.
