Қазақстан Қазақстандағы қорықтан сирек кездесетін барыс табылды
Алдыңғы Азия леопарды Үстірт мемлекеттік табиғи қорығында осымен екінші рет фототұзаққа түскен
- 2018 жылдың 6 қарашасында Үстірт мемлекеттік табиғи қорығының қызметкерлері орнатқан фототұзақ тағы бір рет мысық тұқымдастардың сирек түрі – леопардтың жүргенін түсіріп алған, - деп хабарлады ҚР Ауыл шаруашылығы министрлігінің орман шаруашылығы және жануарлар әлемі комитетінің баспасөз хатшысы Сәкен Ділдахмет.
Оның айтуынша, бұған дейін ол дәл осы орыннан 29 қыркүйек күні байқалған.
- Леопардың қайта көзге түсуі оның аймаққа бой түзеп, жерсініп қалғанына үміт сыйлайды, - деді баспасөз хатшысы.
Жалпы алдыңғыазиялық леопардтың популяциясы әлем бойынша 870-1300 дара деп бағаланады. Леопардтың бұл түрі құрудың аз-ақ алдында тұр.