Қазақстан Қазақстанда орта білімді жаңғыртпақ
Қазақстан Республикасының Білім және ғылым министрлігі Дүниежүзілік банкпен бірге "Орта білім беруді модернизациялау" жобасын іске қосады
- Жобаның негізгі бағыттарының бірі - ауылдық жалпы білім беретін мектептер мен оқушыларға білім беру материалдарына қолжетімділікті арттыру, мультимедиялық құралдармен жабдықтау және ауыл педагогтарының әлеуетін арттыру арқылы шағын мектептерді жетілдіру, - деп хабарлайды министрліктің баспасөз қызметі.
Жобаның жалпы құны 75 миллион АҚШ долларын құрайды және Дүниежүзілік банк оны іске асыру үшін ақша бөледі.
- Жоспарға сәйкес, бұл қаражатқа ауыл мектептері үшін оқу-әдістемелік материалдар мен мультимедиялық жабдықтар сатып алынатын болады, білім беру бағдарламалары жетілдіріледі, ауыл мұғалімдерінің педагогикалық әлеуеті күшейтіліп, арнайы білім беру қажеттіліктері бар балаларға қолдау көрсетілетін болады, - деп атап өтті Білім және ғылым министрлігі.
