Қазақстан Қазақстанда Ішкі істер департаменттерінің атауы өзгертілді
Қазақстанда Ішкі істер департаменттері Полиция департаменті болып өзгертілді
Бұдай былай мәселен, ҚР Ішкі істер министрлігі Астана қаласының Ішкі істер департаменті ҚР Ішкі істер министрлігі Астана қаласының полиция департаменті болып аталады, деп хабарлады ҚазАқпарат ХАА.
Немесе ҚР ІІМ Ақтөбе облысының Ішкі істер департаменті ҚР ІІМ Ақтөбе облысының полиция департаментіне айналды.
Осылайша, барлық облыстың департаменттері қайта аталады. Сәйкесінше, республиканың түгел қалалық ішкі істер басқармалары мен аудандық ішкі істер бөлімдері полиция басқармаларына және полиция бөлімдеріне айналады.
Сондай-ақ, ҚР ІІМ Көліктегі ішкі істер департаменті ҚР ІІМ Көліктегі полиция департаменті болып өзгертілді.
Реформалар 2019 жылдың 1 қаңтарынан бастап жүзеге асырылады.
