Қазақстан Алматыдағы әскери комиссариаттарда жемқорлық фактілері жиі тіркеледі
Алматыдағы әскери комиссариаттардағы қызметкерлер арасында соңғы бес жылда жемқорлық фактілері 50%-ға артқан
Алматы гарнизонының әскери прокуроры Тілекжан Сатек жемқорлықпен күрес жөнінде кеңес өткізді, деп хабарлайды "Қазақпарат" ХАА сайты.
- Әсіресе әскери басқарлардағы әскери қызметкерлер арасындағы жемқорлықтың соңғы 5 жылда айтарлықтай артқаны алаңдатады. Егер 2014 жылы жемқорлық деңгейі 3%-ды құраса, 2015 жылы 22%-ға, 2017 жылы 50%-ды құраған. Сот-сараптама тәжірибесі көрсеткендей, әсіресе әскери билет беру, азаматтарды әскер қатарына қабылдау, әкімшілік жауапкершіліктен босату кезінде жемқорлық фактілері жиі байқалады екен, - деді Тілекжан Сатек.
2018 жылы Алматы гарнизоны бойынша 7 қылмыстық құқықбұзушылық тіркелген. Пара сомасы 150 мың теңгені құраған.
