Қазақстан Қазақстандық студенттерді оқыту мерзімі қысқартылады
Қазақстанда аз ғана мерзім ішінде жоғары білім алып шығуға мүмкіндік беретін жаңа технология енгізіледі
"Қазақпарат" ХАА сайты хабарлағандай, бұл туралы саяси ғылымдар докторы Шәріпбек Әмірбеков мәлімдеді.
Оның айтуынша, білім беру сұрағы Қазақстандағы басты тақырыптардың бірі болып табылады.
- Қазақстанда 800-ден астам колледж бар. Олардың барлығы кредиттік оқыту технологиясына көшуі керек. Бұл дегеніміз – колледж бітіргеннен кейін студенттер ЖОО-ға түсіп, 4 жыл оқымай, 2,5-3 жыл ғана оқитын болады. Ал ең бастысы түлектердің жұмысқа орналасуы. Президент бұған дейін де бұл туралы бірнеше рет айтқан болатын. Үкіметтің бекіткен нормасына сай, егер түлектері жұмысқа орналаса алмаса, мамандықтар да жоғары оқу орындары да жабылатын болады, - деді Шәріпбек Әмірбеков.
Елдегі оқу орындарының көбі студенттерді тек табыс үшін өздеріне тартады. Сол үшін енді мемлекет оқуға түскен студенттер саны мен оны төрт жылдан кейін бітіріп шыққандарды бақылайтын болады.
