Қазақстан Қазақстандықтар теледидар көрмейтін болған
Әлеуметтік зерттеу нәтижесі қазақстандықтардың қанша уақытын түрлі БАҚ құралдарына арнайтындығын көрсетті
TNS Central Asia бас директоры Татьяна Старцева әлеуметтік зерттеулер қорытындысы туралы айтып берді, деп хабарлайды "Қазақпарат" ХАА сайты.
Қорытынды бойынша халықтың 76%-ы теледидар көрсе, 51%-ы ғаламторды пайдаланады, ал радио тыңдайтындар саны 36% болса, тек 10%-ы ғана газет оқиды екен. Соңғы үш жылда ғаламтор пайдаланушылардың саны артқан.
- Күнделікті теледидар көретіндер саны 5%-ға қысқарып бара жатса, газет оқитындар да дәл осылайша азаюда. Ал радио тыңдаушылардың саны өзгеріссіз қалса да, радио аудиториясы тұрақты болып шықты, - дейді Татьяна Старцева.
Зерттеу көрсеткендей, теледидар көруге орта есеппен 200 минут, ғаламторға 150 минут, ал радиоға 120 минут жұмсалады екен.