Қазақстан Полицейлер адам көп жиналатын нысандарды тексермек
Қазақстанда нысандардың лаңкестікке қаншалықты төтеп бере алатындығын тексерген кезде, олардың салалық ерекшеліктері ескерілетін болады
Қазақстанның Ішкі істер министрлігі нысандардың терроризмге қарсы қорғанысын тексеру кезінде қандай шараларды қолдану қажеттігі жайында заңға өзгеріс енгізуді жоспарлап отыр.
Бұл жайында министрліктің экстремизмге қарсы күрес департаменті басшысының орынбасары Еркін Қалиев мәлімдеп отыр. Оның сөзіне қарағанда, нысандардың лаңкестікке қарсы қорғаныс жағдайын тексеру кезінде бірнеше мәселенің туындаған. Ең алдымен, тексеріс талаптарының толық бекітілмеуі себеп болған.
- Тексеріс кезінде түрлі нысандардың ерекшеліктерін ескермей, тек бір қауіпсіздік стандарты бойынша ғана тексеріс талаптарын орындауға мәжбүрміз. Мәселен, мектеп пен аурухананы, мейрамхана мен көңіл көтеру орындары да әуежай мен теміржол, көлік вокзалдары сияқты тексеріледі, - дейді Е.Қалиев.
Е.Қалиевтің ойынша, бұл мекемелердің тексеру кезінде әртүрлі талаптар қолданылуы керек.
