Алматылық мемлекеттік қызметкерлер үстеме жұмыстан қорғалмақ

Мемлекеттік қызмет істері және сыбайлас жемқорлықпен күрес агенттігі мемлекеттік қызметкерлердің құқықтарын қорғау үшін үстеме жұмыс мөлшерін азайтуға шақырады, деп хабарлайды "Қазақпарат" ХАА сайты.

- Көптеген министрліктерде жұмыс уақыты біткеннен кейін компьютерді автоматты түрде өшіру жүйесі енгізілген. Анкеталық сауалнама нәтижесі көрсеткендей, жұмыс уақыты аяқталса да жұмыстан кеш шығатын мемлекеттік қызметкерлер саны 55%-дан 20%-ға дейін азайған. Алдын алу шаралары тәртіптік тәжірибеде оң нәтиже көрсетті, - дейді Мемлекеттік қызметі істері және жемқорлықпен күрес агенттігінің мемлекеттік қызметті бақылау департаментінің директоры Равиль Тюлебаев.

Жұмыскерлерге қосымша жүктеме мен артық жұмыс беруді болдырмау үшін Мемлекеттік басқару академиясында жетекшілер мен жұмыскерлер үшін тайм-менеджмент курстары енгізілді.