Астанада қала туризмі бойынша халықаралық саммит өтеді

Бұл туралы Бүкіләлемдік туристік ұйымның (ЮНВТО) Сеулде өтіп жатқан 7-і дүниежүзілік қалалық туризмді дамыту форумында мәлім етілді, деп хабарлайды ҚазАқпарат ХАА.

- Бүгін Бүкіләлемдік туристік ұйымның (ЮНВТО) Сеулдегі 7-і дүниежүзілік қалалық туризмді дамыту форумында, келесі басқосу Астанада өтетіндігі ресми түрде жарияланды. Бұл жиынға Астанадан қала әкімінің орынбасары Е.Аманшаев бастаған делегация белсене қатысуда, - делінген Астана Конвеншн бюросының Фейсбуктегі парақшасында.

Форум жұмысына Грекия және Моңғолия елдерінің туризм министрлері, Тайланд пен Малайзияның туризм жөніндегі вице-министрлері, Сеул, Куала-Лумпур, Париж және Ницца қалаларының вице-мэрлері,сондай-ақ академиялық топтардың және Google, MasterCard, Amadeus компанияларының өкілдері қатысуда.