Қазақстан Алматы облысында Астананың мәдени күндері өтуде
Елорданың мерейтойын мерекелеу аясында Алматы облысында Астананың мәдени күндері өтуде. Мереке 19 қыркүйекке дейін созылады
Мәдени күндер Астананың 20 жылдығына орай ұйымдастырылған, деп хабарлайды "Қазақпарат" ХАА сайты.
Шара аясында көрермендерге көрме, концерттік бағдарлама мен театрландырылған қойылымдар ұсынылады.
"Ақ тілекпен, Астана" көрмесімен көрермендер бейнелеу өнерінің галереясында таныса алады.
Сондай-ақ, шара қонақтарына Г. Жұбанов атындағы ішекті квартет, "Шалқыма" халық би ансамблі өнер көрсетеді. Сонымен қатар Астананың Мемлекеттік академиялық филармониясының қазақ оркестрінің классикалық, эстрадалық және халықтық вокалистерінің әншілері ән шырқайды.
Мерекелік шара соңында М.Горький атындағы Мемлекеттік академиялық орыс драма театрының театрландырылған туындылары ұсынылады.