Қазақстан Ғаламторда Назарбаевтың қолтаңбасы сатылады
Хабарландыру авторының сөзінше, ҚР Президенті осыдан 21 жыл бұрын дүкенге барған уақытта қолтаңбасын қалдырған
Ғаламторда ерекше хабарландыру пайда болды, деп хабарлайды Sputnik Қазақстан сайты.
Хабарландыру иесі Елбасының ізгі тілегі мен қолтаңбасы қойылған парақты 350 мың теңгеге бағалап отыр (шамамен 1000 доллар).
- ҚР Президентінің 1997 жылы Алматыдағы дүкенге келген уақытта жоғары сапалы сәттілік пен барлық жақсылықты тілеп, қолын қойған альбом (түпнұсқалығына кепілдік бар, қол қою сәті суретке түсірілген), - делінген хабарламада.
Автограф иесі дүкенде сатушы болып істеп жүрген уақытта сол дүкенге Елбасының келгенін айтады. Мемлекет басшысы дүкен альбомына өз тілегін жазып, шыға берісте сұхбат берген көрінеді.
Ал қолтаңбаны сатудағы басты мақсат – азаматтардың қызығушылығын анықтау.