Қазақстан Бұрынғы ұлттық экономика министрі басқа түзету мекемесіне ауыстырылды
Миллиондап ақша жымқырғаны үшін сотталған бұрынғы шенеунік Қуандық Бишімбаев енді Леңгір қаласындағы түзету мекемесінде жазасын өтейд
Бишімбаев Астанадан Шымкенттің жанындағы Леңгір колониясына көшірілді, деп хабарлайды Sputnik Kazakhstan сайты.
Ұлттық экономика министрлігінің экс-басшысын ауыстыру барысында Ұлттық гвардияның, кем дегенде, оншақты жауынгері бірге жүрді.
- Мекеме - ең қауіпсіз жер. Яғни, қатаң тәртіпте, шамамен 500 адамды ұстап отыр. Ғимарат 1976 жылы пайдалануға берілді, - деп хабарлады Ішкі істер министрлігінің Қылмыстық-атқару комитетінің баспасөз қызметі.
Шағымды қайта берген Бишімбаевқа қатысты шешім өзгеріссіз қалды. Бұрынғы министр 2 миллион доллар парамен ұсталып, 10 жылға бас бостандығынан айырылды.
