Қазақстан Қазақстанда бір адам зейнетақы алғысы келмейді
ҚР еңбек және халықты әлеуметтік қорғау вице-министрі Светлана Жақыпова зейнетақы алудан бас тартқан қазақстандық елші туралы айтты
Бүгін үкімет үйінде өткен баспасөз мәслихатында зейнетақымен қамсыздандыру туралы сөз қозғаған вице-министр 20 жыл бойы өз зейнетақысын алмаған Қазақстан елшісін мысалға келтірді, деп хабарлайды Sputnik Қазақстан.
- Мен қазір 20 жыл бойы бірде-бір рет зейнетақы тағайындауға жүгінбеген Қазақстанның төтенше елшісін мысалға келтіргім келіп отыр. Ол кісі қазір зейнетте. Ол "мемлекеттің маған бергені соншалық көп, мен зейнетақыға үміткер болғым келмейді, өз-өзімді қамтамасыз етемін" дейді. Бірақ біз оны өтініш жазуға көндіріп, зейнетақы тағайындадық,- деді Жақыпова.
Вице-министр зейнетақымен қамсыздандыруға жұмысшы, жұмыс беруші және мемлекет – үшеуі бірдей қатысуы керек екенін еске салды.