Қазақстан Қазақстанның екі ұлттық саябағы ЮНЕСКО тізіміне енді
Тізімге Шарын және Жоңғар Алатауы ұлттық саябағы енді
Қазақстандағы екі биосфералық қорық Дүниежүзілік биосфералық резерваттар желісіне енді, деп хабарлайды ҚазАқпарат.
- Бүгін ЮНЕСКО-ның МАБ халықаралық координациялық кеңесінің шешімімен («Адам және биосфера» бағдарламасы) Дүниежүзілік биосфералық резерваттар желісіне Шарын және Жоңғар Алатауы ұлттық парктері қосылды, - деп жазды комитеттің баспасөз хатшысы Сәкен Ділдахмет Фейсбуктегі парақшасында.
Осылайша, Қазақстанның биосфералық резерваттарының тізіміне ұлттық 10 қорық кіреді. Олардың қатарында Ақжайық, Ақсу-Жабағылы, Қорғалжын, Алакөл, Қатон-Қарағай, Барсакелмес, Қаратау, Алтынемел, Шарын және Жоңғар Алатауы, сондай-ақ, трансшекаралық биосфералық резерваттардың бірі Үлкен Алтай бар.
Дүниежүзілік биосфералық резерваттар желісі ЮНЕСКО-ның «Адам және биосфера» бағдарламасы аясында құрылған.
Қазақстанның ерекше қорғалатын табиғи аймақтары үшін ЮНЕСКО-ның биосфералық резерваты мәртебесі өте маңызды. Себебі біздің табиғи аймақтарымыздың құндылықтарын халықаралық деңгейде мойындатуға мүмкіндік береді.
