Семейлік суретші "Ядросыз болашақ үшін" сыйлығының лауреаты атанды

Сыйлықты тапсыру рәсімі қазан айында Зальцбургте (Аустрия) өтеді, деп хабарлайды Егемен Қазақстан.

Кәріпбек Күйіковпен бірге аустралиялық Джефри Ли және ұлыбританиялық Линда Уолкер сыйлыққа лайық деп танылған. Тағы екі сыйлықты француз суретшілерінің жұбы Дидье және Полет Ангерге және олардың аустриялық әріптесі Питер Вейшке бұйырған.

– Бұл сыйлық – бүкіл Қазақстанның еңбегі! Бұл – еліміздің, АТОМ жобасының бастамашысы – Президент Нұрсұлтан Назарбаевтың үлкен және ауыр жұмысының бағасы. Республикамыз өзінің жеке үлгісімен ядролық атомды таратпау және қарусыздану үшін қалай күресу қажеттігін көрсетті, сондай-ақ ядролық болашақ үшін немесе оған қарсы шешім қабылдау мәселесінде қобалжыған әлемнің басқа мемлекеттері үшін тірек болды, – деді К.Күйіков.