Қазақстанда халық саны артты
2018 жылдың 1 маусымындағы жағдай бойынша Қазақстан халқының саны 18 миллион 253,3 мың адамды құрады, деп хабарлады ҚР Экономика министрлігінің статистика комитеті
Статистикаға сүйенсек, 2018 жылдың қаңтар-мамыр айларында Қазақстан халқының табиғи өсімі 103492 адамды құрады (2017 жылдың қаңтар-мамыр айларында - 99724 адам).
Елдегі демографиялық ахуалдың басқа сипаттамаларына сәйкес тиісті уақыт көрсеткіштері: босану - 159921 (155382), өлім - 56429 адам (55658).
Сондай-ақ, Статистикалық комитеті 2018 жылдың қаңтар-мамыр айларында 46818 неке (2017 жылдың қаңтар-мамыр айларында - 47445) құрылғанын хабарлады.
Сонымен қатар, 2018 жылдың қаңтар-мамыр айларында 22784 ажырасу тіркелді (22004).
Статистикалық мәліметтерге сүйенсек, үстіміздегі жылдың бес айы ішінде Қазақстаннан 12874 адам қоныс аударған (2017 жылдың қаңтар-мамыр айларында 10975 адам), елге қоныс аударған - 5359 адам (7204 адам).
Осылайша, 2018 жылдың қаңтар-мамыр айларында республикада көші-қонның теріс көрсеткіші 7 515 адамды құрады.