Назарбаев өзіне сыйланған сыйлықтар жайында айтты

Нұрсұлтан Назарбаев мемлекет көшбасшылары бір-бірімен кездескен кезде, бір-біріне сыйлық жасайтындығын айтты, деп хабарлайды Тенгриньюс.

Елбасының сөзіне қарағанда, ел президенттері бір-біріне қымбат сыйлықтар бермейді, өйткені бұл мәдениет пен әдепке жатпайды, көбінесе, назар аудартатын сыйлықтар беріледі.

- Маған қандай сыйлықтар берілгенін білгілеріңіз келсе, Тұңғыш Президент атындағы Мұражайға барып, таныссаңыздар болады, - дейді Елбасы.

Ал Назарбаев Қытай басшысымен кездесу кезінде қытай иероглифтері жазылған жібек мата алған болса, өзі күміс барыстың суретін сыйлаған.