Қазақстан БЖЗҚ өзін жұмыспен қамтушыларды қорға қаржы аударуға ынталандырмақ
Қазақстанда өзін-өзі жұмыспен қамтушыларды зейнетақы жүйесіне тарту үшін жаңа жүйе жасап шықпақ
БЖЗҚ хабарлағандай, Қордан зейнетақы төлемдерінің жеткілікті мөлшерде жүзеге асырылуы – зейнетақы жарналарының тұрақты аударылып тұруына тікелей байланысты. Бірыңғай жинақтаушы зейнетақы қоры барлық еңбекке қабілетті тұрғындардың жинақтаушы зейнетақы жүйесіне қатысуы маңызды екендігін түсіне отырып, өзін-өзі жұмыспен қамтушыларды зейнетақы жүйесіне тарту бойынша ақпарат беру-түсіндіру жұмыстарын тұрақты жүргізіп келеді. Осылайша зейнетақы жүйесінің енжар қатысушыларын анықтау үшін БЖЗҚ салымшыларының базасы талданды және зейнетақы жарналары түспейтін шоттарды өңдеу науқаны басталды. Соның арқасында салымшылар дерекқорында 2015-2017 жылдар аралығында ашылған, бірақ содан бері бірде-бір рет жарна түспеген, сондай-ақ, зейнетақы жинақтары бар, бірақ 2017 жылы жарна түспеген шоттар анықталды.
- Байланыс орнатылған салымшыларға жинақтаушы зейнетақы жүйесі туралы ақыл-кеңес және өнімді жұмыспен қамту және жаппай кәсіпкерлік секілді әлеуметтік бағдарламалар бойынша толыққанды мәлімет берілді, - дейді "БЖЗҚ" АҚ өкілдері.
