Қазақстан Қазақстанда өрт сөндіру техникалары жетіспейді
ҚР Ішкі істер министрі Қалмұханбет Қасымов премьер-министрге облыстардың өрт сөндіру науқанына дайындығы жайлы баяндады
Министрдің айтуынша, аймақтар өрт сөндіру науқанына дайын емес, деп хабарлайды Sputnik Казахстан.
- Мәселен, Шығыс Қазақстандағы 460 мың гектар орман қорына иелік ететін үш табиғатты қорғау мекемесінің 14 техникасының тек 3-уі ғана өрт сөндіруге дайын, - дейді министр.
Соңғы бес жылдың ішінде 20 мың орман, дала өрті болып, 2 млн гектар жер өртеніп, мемлекетке 600 млн теңге шығын келген.
Министр Алматы, Солтүстік Қазақстан, Ақтөбе мен Жамбыл облыстарында өрт сөндіру техникалары жетіспейтіндігін тілге тиек етті.
Ал премьер-министр Бақытжан Сағынтаев табиғатты қорғау және орман шаруашылығы мекемелерін техникалық жабдықтармен қамту шараларын жасауды тапсырды.