Қазақстан ғарышы мамыр мерекелерін атап өтуде

"Республикалық ғарыш байланысы орталығы" АҚ Отан қорғаушылар күні мен Жеңіс күнін саптық шеру түзіп атап өтуде, деп хабарлайды "Қазақпарат" ХАА.

Кәсіпорынның белгілі бір тобы – қордағы кадрлық офицерлер шеруге өздерінің әскери және еңбегі үшін алған марапаттарымен шығады. Аталмыш акция компанияның барлық бөлімшелерінде өтеді. Дәстүр бойынша орталық мамандары Отан қорғаған қаһармандардың ескерткіштеріне гүл шоқтарын қояды.

- Ауғанстан соғысына қатысқан, кәсіби әскери жолдағы біздің қордағы офицерлер үшін Отан қорғаушылар күні мен Жеңіс күні – ең ұлы мерекелер. Қаза болған әскерилерге сапқа тұрып, ізет ету – міндетіміз, - дейді орталықтың  вице-президенті, қордағы ғарыш әскерінің   подполковнигі Бауыржан Құдабаев.