Қазақстан Қазақстанда БАҚ заңнамасына өзгерістер енеді
ҚР-ның Бас прокуратурасы жеке өмір, жеке бас құпиясы, отбасы құпиясы сынды түсініктерге ғылыми анықтама беру үшін мекемеаралық жұмыс тобын құруды ойлап отыр
Қазіргі уақытта жеке өмір мен оның құпиялары жайында, оған не жататындығы нақты көрсетілген заң жоқ, деп хабарлайды Tengrinews.kz.
БАҚ туралы заңға енген өзгерістердің ішінде тілшілер қауымына заңды тұлғадан да, тұрғыннан да оның отбасы, жанұясы, дәрігерлік, банктік, коммерциялық құпияларын жариялар алдында келісімін алу міндеттелген.
Қазіргі уақытта коммерциялық, дәрігерлік және банктік құпиялардың аражігі ашылған болса, жеке бас құпиясы мен отбасы құпиясына заң жағынан түсініктеме берілмеген.
- "Жеке өмір, жеке бас және отбасы құпиясы" ұғымдары, тіпті, халықаралық деңгейде де әлі анықталмаған түсініктер, - дейді Әділет министрлігі.