Қазақстан Жазда Назарбаев Түркияға ресми іссапармен барады
ҚР Сыртқы істер министрі Қайрат Әбдірахманов Түркия Республикасына ресми сапармен барды
Анкарадағы келіссөздердің назарында Қазақстан президенті Нұрсұлтан Назарбаевтың Түркияға осы жылдың жазында жасайтын алдағы ресми сапарының маңызды мәселелерін зерделеу, деп хабарлайды ҚР Сыртқы істер министрлігінің ресми сайты.
Қ.Әбдірахмановтың Түркия СІМ басшысы Мевлют Чавушоғлумен болған келіссөздерінің барысында тараптар Қазақстан Республикасы Президентінің Анкараға жасайтын сапарының күн тәртібі мен оның аясында қол қоюға ұсынылатын құжаттардың жобаларын үйлестіруді таяу болашақта аяқтауға келісті.
2017 жылы Қазақстан мен Түркия арасындағы тауар айналымы өткен жылмен салыстырғанда 28 пайызға артып, 1,9 миллиард долларды құрады. СІМ басшысы Қазақстан экономикасын жаңғырту бойынша бастамалар мен «Рухани жаңғыру» бағдарламасы туралы айтты. Қызығушылықты қазақ тілін латын әліпбиіне көшіру туғызды.