Қазақстан Семейдегі Атом көлі зерттеледі
Қазақстан мен Жапония елдері Атом көлінің экологиялық жағдайын зерттейтін бірлескен жобаны бастамақ
Жасанды көл бұрынғы Семей полигоны аумағында жерасты ядролық жарылыстардың негізінде Шаған және Ащысу өзендерінің сағасында 1965 жылы пайда болған еді, деп хабарлайды inform.kz сайты «Казахстанская правда» газетіне сілтеме жасап.
Сынақтар нәтижесінде тереңдігі - 100, диаметрі 400 метрден асатын көлшік қалыптасты. Алдағы уақытта бірлескен топ жасанды көлде көптеген зерттеулер жүргізбек. Атап айтқанда, нысан аумағында жасанды радионуклидтердің таралу сипатына, әртүрлі ауа райы жағдайында оның атмосфераға енуіне қатысты мәліметтер алынып, басқа да жұмыстарды жүргізу жоспарлануда.
Алынған деректер негізінде, Атом көлі аймағындағы экологиялық жағдайдың халыққа және қоршаған ортаға әсері бойынша ұсынымдар әзірленетін болады.
