Қазақстан Елбасы жастарға үндеу тастады
Қазақстан Республикасының Мемлекеттік хатшысы Гүлшара Әбдіқалықова «Жас Отан» жастар қанатының IV съезі аясында өткен «Жаңа әлемге жол саламыз» атты гала-форумға қатысты
Форумды ашқан Гүлшара Әбдіқалықова Елбасы Нұрсұлтан Әбішұлы Назарбаевтың құттықтау сөзін оқып берді
Президент жастарды жан-жақты дамуға – спортпен, өнермен айналысуға, шет тілдерін үйренуге, отандық және әлемдік әдебиеттің бай мұрасын танып-білуге, ең бастысы, әлемдік деңгейдегі кәсіби маман болуға шақырды.
- Ұзақ мерзімді мақсаттарға қол жеткізу үшін елде саяси, экономикалық, рухани және әлеуметтік жаңғырулар қолға алынды. «Болашаққа бағдар: рухани жаңғыру» атты бағдарламалық мақалада ХХІ ғасырдағы ұлттық сана туралы айтылып, таяу жылдарда қолға алуды қажет ететін міндеттерге ерекше назар аударылды, - деп атап өтті Елбасы.