Қазақстан Нұрсұлтан Назарбаев барлық қазақстандықтарды Наурыз мейрамымен құттықтады
Қазақстан Президенті бұл мерекенің ұрпақтар және дәстүр мен мәдениеттің терең сабақтастығының символы болып табылатынын атап өтті
Ақорда сайтының хабарлауынша, мейрам аясында мемлекет басшысы "Жаңарған жер, бақ қонған нұрлы ел" мюзиклін тамашалады. Музыкалық және хореографиялық этно-заманауи қойылымға қазақстандық танымал орындаушылар мен жас өнер шеберлері қатысты.
Бұдан басқа, Қазақстан Президенті ЭКСПО көрме кешенінің территориясында орналасқан этноауылда болды. Көрмеде қолөнер бұйымдары, музыкалық театр қойылымдары мен ұлттық спорт түрлерінен әр түрлі жарыстар ұйымдастырылды.
Сондай-ақ, Елбасы бірқатар отандық БАҚ өкілдеріне сұхбат берді. Өз сөзінде Нұрсұлтан Назарбаев "бұл мереке ұрпақтардың және халқымыздың дәстүрі мен мәдениетінің терең сабақтастығымен тығыз байланыстың нышанына айналды" деп, барлық отандастарын Наурыз мерекесімен құттықтады.
Қазақстан Президенті Ұлы мерекеде адамдардың рухани жаңаратынын және оның ерекше құндылығын атап өтті.
Сөз соңында Мемлекет басшысы барлық отандастарына Қазақстан Республикасының игілігі жолында өркендеу, бақыт, бірлік және толағай табыстар тіледі.
