Қазақстан Қазақстанның Бас мүфтиі Наурыз мейрамымен құттықтады
Қазақстан мұсылмандары діни басқармасының төрағасы, Бас мүфти Серікбай қажы Ораз барша қазақстандықтарды Ұлыстың ұлы күнімен құттықтады
ҚР Мұсылмандары Діни басқармасы сайты хабарлағандай, Наурыз – қайырымдылықтың мерекесі. Бұл күндері халқымыз жетім мен жесірді жабырқап, кембағал мен мүгедекке қайырымдылық көрсеткен. Жұтқа ұшыраған жандарға жұмылып, жылу жинап берген.
- Біз "Бір тал кессең, он тал ек" деген мақалды тіршіліктің қағидасына айналдырған халықпыз. Үлкеннен үлгі болып, ұрпаққа жалғасқан өнегелі өмірлік дағдыларымыздың бірі – ата мен баланың ағаш отырғызуы. Наурызда көрініс табатын осынау игі амалдың мәні ерекше. "Қиямет боларын біліп тұрсаң да қолыңдағы бір түп ағашты отырғызып қал", – деген хадистің тәрбиелік мағынасы тереңде жатыр, - дейді Бас мүфти. - Баршаңызды ұлтымыздың ұлық мейрамы – Наурыз мерекесімен құттықтаймын! Күллі түркі жұртының төл тойы – әз Наурыз еліміздегі түрлі ұлтты ұйымшылдыққа ұйыстырып, кешірім мен мейірімнің мерекесіне айналып келеді.