Қазақстан Қызылордада тұрғын үйдің бір бөлігі құлады
Апаттың неден болғаны белгісіз
ҚР ІІМ Төтенше жағдайлар комитеті баспасөз қызметі хабарлағандай, 28 ақпан күні түнде Қызылорда қаласы, Титов көшесіндегі жатақхананың бір кіреберісі толығымен құлап түскен. 1971 жылы салынған жатақханада 63 адам тұрады, оның ішінде 17-сі балалар.
Зардап шегушілер жоқ. Тұрғындар №2 мектептің ғимаратына орналастырылды.
Оқиға орнында жұмыс тобы құрылып, апаттың неден болғандығы анықталуда.